Nahinto muna sa taping at raket out of town ang Clique V at Belladonnas simulang magkaroon ng lockdown. Yung iba sa kanila ay umuwi sa kanilang pamilya at ang iba naman ay nanatili sa poder ng kanilang manager na si Len Carillo ng 316 Events & Talent Management. Sa isang Zoom kamustahan ay masaya namang nakipagkuwentuhan sa amin ang Belladonnas at Clique V. Kinamusta namin si Kyle Lucasan na kapansin-pansin ang pagpayat nito.
" Wala naman Tito. House lang din. Since lockdown, gusto ko rin talagang magpapayat. Ayan. Achieved naman. " bulalas pa ni Kyle. Ayon naman kay Marco Gomez, diet lang din ang dahilan at exercise kung bakit ang ganda naman ng kanyang katawan sa ngayon. Si Marco ang lagi naming pinopost na may pa-bukol party na pinagkakaguluhan ng mga bading.
" Oo nga po eh! Yung huling post niyo nga, daming likes. Tapos dami rin comments Tito. Kakatuwa lang. " aniya naman.
On cam din sina Sean De Guzman, Josh Mirabel at Calvin Almojera. Pero kaagad naming nabigyang pansin ang isang guwapo at matangkad sa likod nila. Well, siya pala si Ithan Magnayo na binansagan nilang Covid 19 baby dahil na-recruit siya nitong lockdown para mapasama na sa grupo ng Clique V. Guwapo si Ithan at mukhang aariba na naman ito sa mga kabaklaan dahil malakas din ang dating huh! On cam din sa Belladonnas sina Tin, Trixie, Jancen at Chloe. In fairness sa Belladonnas, gaganda nila kahit mga bagong gising lang huh! Ayon sa mga bagets, nakaka-miss na ang mag-show at rumaket pero okey lang daw yun dahil both Belladonnas and Clique V, pagti-tiktok naman daw ang kanilang ginawang libangan!
" Naging libangan naman po naming lahat Tito. Okey naman. Dami na rin naming followers. Tapos marami rin nagla-like sa mga ginagawa namin nina Marco, Josh at Calvin. Collab din with Kyle ng Belladonnas, yung mga napapanood niyo po, yun yun! Pampawala ng bagot at pata visible parin po kami sa taga-suporta namin. Masaya naman. " bulalas naman ni Sean na siyang pinaka-cute na miyembro ng grupo. Uy huwag kayo! Maraming nagkakagustong baklushi kay Sean huh! Usapang tiktok parin, may invisible tiktok kung tawagin. Yung ibang gumagawa nito ay sumesemplang dahil nakikita ang ano nila! Buti hindi sinubukan ng Clique V?
" Hahahahaha! Mahirap na Tito. Kasi yung iba, nakikita talaga. Ayaw ko. Kasi, baka lang makita! " bulalas pa ni Marco na halatang may balak pa rin huh!
Isa sa mga nakakamiss sa boys ay si Karl Aquino na nasa bahay nila. On cam din si Karl that day at pinansin ng lahat ang pagpayat ni Karl. Well, aabangan daw lalo si Karl dahil kung yummy na siya noon mas naging yummy pa siya ngayon! May ipinakita nga'ng old pic sa akin si Karl na super ganda ng kanyang katawan. Sana ibalik niya yun para panalo diba? Ang nakakaloka ay si Gelo Alagban. Biniro pa nga namin itong lubong-lubo na ang pisngi nito. Hindi naman tumaba ang katawan pero ang pisngi ay humahataw sa lobo! Anyways, kapag naging okey na ang lahat ay balik trabaho naman lahat sila!
